முதல் தாரத்தின் மகள்

என்ன தான் இருந்தாலும்
இன்னொரு வீட்டுக்கு போய்
அடுப்படில இருக்கபோறவளுக்கு
இன்ஜினியரிங்லாம் எதுக்கு
எதனா டிகிரி படிச்சா 
போதாதான்ன்னு
மூன்று வருடம் முன்னர்
இவளுக்கு சொன்னவளே தான்,

"செலவானாலும் பரவாயில்ல,
கீர்த்தனா ஆசைபடறதயே
படிக்க வெக்கலாம்,
நமக்குன்னு இருக்கறது
ஒரே பொண்ணு"

என்று அவரிடம் இன்று பேசுவதை
எதேர்ச்சியாய்க் கேட்டுக் கடந்தவள்
தன் அறையினுள் சென்றதும்
தலையனையைக் கட்டியணைத்து
ஓவென அழுதாள்.

தன் நாட்குறிப்பின் நடுவே
இருந்த பாஸ்போர்ட் சைஸ்
புகைப்படத்திலுள்ள
கனிந்த பார்வையுடன்
மலர்ந்த முகம் கண்டதும்
ஆறுதலடைந்து அமைதியானாள்.

அச்சில் வார்த்தார் போல்
அதே சாயலில்
இவளது முகமும்
மலர்ந்து கிடந்தது
அந்த கல்லூரியின்
அடையாள அட்டையில்,
யாழினி இயற்பியல்
மூன்றாம் ஆண்டு.

****************************************************************************

அவர் வீட்டிலில்லா
சமயங்களிலேயே
அடிபட்டு, மிதிபட்டு,
வசை சொல்லில்
வதைபட்டவள்,
இனி இவள் கையில் என்னவாகப்போகிறாளோ
அவர் ஒரேடியாய்
உறங்கியபின்னர்.